B7. உடலுருப்புகள் தானம்.- நடைமுறை சிக்கல்கள் .

மூளைச்சாவு சிறுவன் உடலுருப்புகள் தானம்!

ஆறு வயது மகன் அனிஷ் மற்றும் மனைவியுடன் இருசக்கர வாகனத்தில் மதன் சென்றபோது, திடீரென குறுக்கே வந்த நாய் ஒன்றினால் நிலைதடுமாறி இருசக்கர வாகனத்திலிருந்து கீழே விழுந்ததில், சிறுவனுக்கு பலத்த அடி ஏற்பட்டது

சிகிச்சைக்காக தனியார் மருத்துவமனையில் அனுமதிக்கப்பட்டு, சிறுவன் மூளைச்சாவு அடைந்ததை, மருத்துவர்கள் உறுதி செய்தனர். தன் மகனின் உறுப்புகளை தானம் செய்ய மதன் ஒப்புகொண்டதை அடுத்து, சிறுவனின் கண்கள், சிறுநீரகங்கள், கல்லீரல் ஆகிய உறுப்புகளை, தனியார் மருத்துவமனை நிர்வாகம் தானமாக பெற்றது. தானமாக பெற்ற தனியார் மருத்துவமனை நிர்வாகம், சிறுவனின் உடலை பிரேத பரிசோதனை செய்ய, அரசு பொது மருத்துவமனைக்கு அனுப்பிவைத்தது..  

ஆனால் அங்கோ..

விபத்து நடந்த இடம் அரசு பொது மருத்துவமனை நிர்வாக எல்லைக்குள் வராது..ராயபேட்டை அரசு மருத்துவமனைக்கு செல்லுங்கள் என்று கூறப்பட்டது.

“உடல் உறுப்புகளை தானமாக பெற்ற, தனியார் மருத்துவமனை நிர்வாகம் அதுகுறித்து தங்களிடம் முன்கூட்டியே தெரிவித்து, அனுமதி பெறவில்லை. எனவே பிரேத பரிசொதனை செய்யமுடியாது”.

என ராயபேட்டை அரசு மருத்துவமனை நிர்வாகம் தெரிவித்தது.

நீண்ட போராட்டதிற்க்கு பிறகே, ஒருவழியாக, பிரேத பரிசொதனை முடிந்து, சிறுவன் அனிஷ்குமார் உடல் பெற்றோர்களிடம் ஒப்படைக்கபட்டது.

தினமலர் 26-6-2013 நாளிதழில் மேலேகண்ட செய்தியை படித்ததும், மதுரை அரசு மருத்துவமனை மற்றும் மருத்துவகல்லூரிக்கு கண்கள் மற்றும் உடலை தானமாக அளித்துள்ள நான் மிக்க அதிர்ச்சியும் வேதனையும் அடைந்தேன். ஒரு கடவுள், ஒரு ஆசிரியர், ஒரு வழிகாட்டி என்ற அளவில் மதிக்கபட வேண்டிய சிறுவன் அனிஷ் உடல் அநியாயமாக அலைக்கழிக்கப்பட்டது….மனிதநேயம் உள்ள அனைவருமே வேதனைப்படவேண்டிய, வெட்கபடவேண்டிய ஒன்றாகும்.

எனக்கு சில விசயங்கள் புரியவில்லை….

*மூளைச்சாவு அடைந்தால் அரசு மருத்துவமனைக்குத்தான் செல்லவேண்டுமா? அங்குதான் பிரேத பரிசோதனை செய்யமுடியுமா?

**தனியார் மருத்துவமனை நிர்வாகம், அரசு மருத்துவமனை நிர்வாகத்திடம் இதுகுறித்து முன்கூட்டியே தெரிவித்து அனுமதி பெறவேண்டுமா?

***பிரேத பரிசோதனை முடிந்த உடலை அரசு மருத்துவகல்லூரிக்கு கேடவராக பயன்படுத்த முடியுமா?

****சிறுவன் அனிஷ் குடும்பத்தினர் மனஉளைச்சல் மற்றும் இதர இடர்களுக்கு யார் அல்லது எது காரணம்?

இன்று அனிஷ்..நாளை நான்? அனிஷ் குடும்பத்தினரின் உறவினர்கள் சுமார் 50க்கும் மேற்பட்டோர் போராடியதைபோல நாளை என் உறவினர்களும் எனது கண்கள் மற்றும் உடல்தானதிற்கும் போராடத்தான் வேண்டுமா?

சம்பதப்பட்டவர்கள் யோசிக்கவேண்டிய விசயம் இது. –சரவணபவா 26-6-2013

B9. உடல் தானம் - கேடவர் விருப்பம்

தரையில் மனிதனுக்கு மீன் உணவு. தண்னீரில் மீனுக்கு மனிதன் உணவு. இன்றும் கங்கைநதியில் உயிரற்ற மனிதனை மீன்களுக்கு உணவாக தள்ளிவிடுகின்றனர். சிலஇடங்களில் உயிரற்ற மனிதனை கழுவிற்க்கு உணவாக மலை உக்சியில் வைத்துவிடுகின்றனர். என் சிறுவயது முதல் என்னை பாதித்த செய்திகள் இவை.

பொதுவாக இறந்தபின்னர் உடலை எரிப்பது அல்லது புதைப்பது நமது நாட்டில் வழக்கம். இறந்தபின்னர் அவர் சார்ந்துள்ள சமூகத்தின் வழக்கத்தின்படி இது நடைபெறும். புதைப்பதாலும் எரிப்பதாலும் நிலம் மற்றும் காற்று மாசு அடைகிறது. எனவே உடலை தானமாக வழங்கினால் அதனை மருத்துவ கல்லூரி மாணவர்கள் பயன்படுத்துவதன்மூலம் மருத்துவ துறைக்கு பெரும் உபயோகமாக இருக்கும். இறந்தபின் உடலை ‘கேடவர்’ என்கின்றனர். கேடவர் என்ற இறந்த மனிதரது உடலானது மருத்துவகல்லூரி மாணவர்களின் அகராதியில்- ‘அது ஒரு கடவுள், அது ஒரு ஆசிரியர், அது ஒரு வழிகாட்டி’ என்ற அளவில் மதிக்கப்படுகிறது

.

ஒருமனிதன் தனது உடலை தானமாக கொடுக்கவேண்டுமானால் சில நடைமுறைகளை பின்பற்ற வேண்டும்:

*மருத்துவ கல்லூரியின் உடற்கூறு பிரிவில் இதற்கென தனி படிவம் உள்ளது. அதனை பெற்று பூர்த்தி செய்யவேண்டும்.

** பத்திரத்தாளில் தானம் கொடுப்பவர் தனது ஒப்புதலை தெரிவிக்கவேண்டும். அவரது ரத்தசம்பந்தமான உறவினர் (முதியவராக இருந்தால் அவரது மணைவி, மகன் அல்லது மகளும், இளையவராக இருந்தால் பெற்றொர், உடன்பிறந்தவர்கள்) ஒப்புதல் கொடுக்கவேண்டும்.

*** தானம் கொடுப்பவரின் தற்போதய முகவரி

**** தானம் கொடுப்பவர் இறந்ததும் அவரது உடல் எந்த ஊருக்கு/இடத்திற்கு கொண்டுபோகப்படும் என்ற விபரம்.

***** இறந்தவர் உடலை எவ்வளவு நேரம் கழித்து தருவார்கள்?

****** இறந்தவர் குறித்து டாக்டர் வழங்கும் இறப்பு சான்று.

இந்தபடிவத்தை பூர்தி செய்து, அதோட நோட்டரிபப்ளிக் சான்று இணைக்கவேண்டும். இறந்துபோனதும் தாமதிக்காம மருத்துவ கல்லூரி உடற்கூறு பிரிவுக்கு தொடர்பு கொள்ளவேண்டும்.

இறந்துபோன 4 அல்லது 5 மணிநேரத்திற்குள் உடல், அரசு மருத்துவமணையில் ஒப்படைக்கப்பட வேண்டும்.

மருத்துவக்கல்லூரி மாணவர்கள் படிப்புக்காவே இது பயன்படுகிறது.இறந்தபிறகு வாரிசுகள் முறையாக சம்பத்தப்பட்ட கல்லூரிக்கு தகவல் தெரிவிப்பதில்லை. சிலர் வெளியூரில் அல்லது உறவினர் வீட்டில் திடீரென்று இறந்துவிடுகிறார்கள். அதனால் அவர்கள் உடலை மருத்துவ கல்லூரிக்கு சேர்ப்பது முடியாமல் போகிறது.

 இதனால்தான் நான் தற்போது மதுரையைவிட்டு எங்கும் செல்வதில்லை!

5-12-2002 அன்றே நான் மதுரை மருத்துவகல்லூரி உடல்கூறு கழகத்தில் உடல்தானம் செய்வது சம்பந்தமாக விண்னப்பம் சமர்ப்பித்து, 3-1-03 அன்று கல்லூரி முதல்வரின் ஒப்புதல் கடிதமும் கிடைத்தது. இது போன்ற உடல்தனம் குறித்த விழிப்புணர்வு ஏற்பட்டால் அது மருத்துவ உலகிற்கு பெரும் வரப்பிரசாதமாக அமையும்.

மருத்துவகல்லூரி முதலாம் ஆண்டு மாணவர்கள் கவனத்திற்கு:  எதிர்கால கேடவர்களை, அவர்கள் குடும்பத்தினருடன் கல்லூரி விழாவிற்கு அழைத்து ஊக்கிவிப்பதன் மூலம், மக்கள் மத்தியில் விழிப்புணர்வு ஏற்பட வாய்ப்புள்ளது.  மேலும் ஆண்டிற்கு ஒருமுறை புத்தாண்டு வாழ்த்து அட்டை அனுப்பி எதிர்கால கேடவர்களின் தற்போதய நிலைகுறித்தும் தெரிந்து கொள்ளலாம். எதிர்கால கேடவர்க்கு தற்போதய முகவரி, தொலைபேசி எண், உடல்தானம் செய்யும் இடத்தின் முகவரி போன்ற விபரங்களுடன் புகைபடம் ஒட்டிய அடையாள அட்டையையும் வழங்கலாம். சாலை விபத்தில் எதிர்பாராமல் சிக்கினால்கூட கேடவர்களை சம்பத்தப்பட்ட கல்லூரியில் ஒப்படைக்க ஏதுவாயிருக்கும்.

சம்பந்தபட்டவர்கள் கவனிப்பார்களா?          

B8. கண் தானம் செய்திடுவீர்..

 தமிழ்நாடு அரசு போக்குவரத்து துறையில் 34 ஆண்டுகள் பணிபுரிந்து 31.8.2006 அன்று பணி ஓய்வுபெற்றேன். சாலைவிபத்து பற்றி ஆய்வு செய்வது எனது முக்கிய பணியாக இருந்தது. சாலை விபத்தில் உயிரிழப்பு கொடுமையானது. அதைவிட கொடுமை பார்வை இழப்பு! உயிர் இருந்தும் இல்லாத நிலை அது. பிறவியிலேயே பார்வை இழந்தவர்களைவிட, விபத்தில் பார்வை இழந்தவர்கள் நிலை மிககொடுமையானது. அதுவரை பார்த்து ரசித்த காட்சிகள் திடீரென மறுக்கபடுவதை அவர்கள் மனம் ஏற்றுகொள்வதில்லை. சிறுவயது முதலே எனக்கு பார்வையிழந்த நண்பர்கள் பலர் உண்டு. ஏதோ பிறந்தோம், வாழ்ந்தோம், மடிந்தோம் என்று எதற்கும்/யாருக்கும் பயன்படாமல் இருப்பதை நான் விரும்பவில்லை.

       கண் தானம் செய்ய முடிவு செய்தேன். 14-8-2002 அன்று கண்தானவங்கி, கண்சிகிசைப்பிரிவு, அரசு இராசாசி மருட்துமனை, மதுரை-625020 க்கு சென்றேன். மதுரை மாவட்ட ஆட்சித்தலைவரை, தலைவராககொண்ட, மதுரைமாவட்ட கண்பார்வை இழப்பு தடுப்பு சங்கம், மதுரை (பதிவு எண்.182/91) யில் வின்னப்ப படிவம் பெற்று பூர்திசெய்துகொடுத்தேன் அதன்படி...

  * 3/423 முல்லைநகர், தனக்கன்குளம், மதுரை-625006 இல் குடியிருக்கும் சரவணபவா ஆகிய நான் எனது இரு கண்களையும் என் மறைவிற்குபின் மதுரை அரசு இராசாசி மருத்துவமனையின் கண்வங்கிக்கு தானமாக வழங்கியுளேன்.

 ** எனது மறைவுக்கு 6 மணி நேரதிற்குள் என்கண்கள் தானமாக எடுக்கபடும் என்றும், 36 மணிநேரத்துக்குள் பார்வை இழந்த இருநபர்களுக்கு பொருத்தப்பட்டு, அவர்கள் என்கண்கள் உதவியால் பார்வை பெருவார்கள் என அறிந்து மகிழ்ச்சி அடைகின்றேன்.

***  எனது உற்றார் உறவினர், எனது மறைவை உடனடியாக மருத்துவ அலுவலர், கண்தானவங்கி, கண்சிகிசைப்பிரிவு, அரசு இராசி மருட்துவமணை, மதுரை-625020

C2. ஆகா என் ஆசை நிறைவேறுமா? - 1947-பொக்கிச கடிதம்

                                 

ஆகா என் ஆசை நிறைவேறுமா?

6-8-47 நாளிட்ட ஆங்கிலேயர் பில் அவர்கள் டோக் பெருமாட்டிக்கு, எனது தந்தை 

S.கணபதியப்பன் அவர்கள் பற்றி எழுதிய அறிய கடிதம் ஒன்று எனது வீட்டை 

ஒழுங்குபடுதும்போது கிடைத்தது.

 3-3-1971 அன்று தனது 63 ஆவது வயதில் எனது தந்தை இயற்கைஎய்தினார். அவரது

 கோப்புகளிலிருந்து சமீபத்தில் எடுக்கப்பட்ட கடிதமே இது.

சம்பந்தப்பட்டவர்களின் வாரிசுகள் தற்போது லண்டனில்தான் இருக்கவேண்டும் என்று 

உணர்கிறேன்.

25-8-1948 அன்று மதுரையில் பிறந்த நான், நான் பிறப்பதற்கு முன்பு எழுதிய கடிதத்தை

வைத்துகொண்டு ..சம்பந்தப்பட்டவர்களின் வாரிசுகளையாவது சந்திக்க ஆசைப்படுகிறேன்!

எனது வாரிசுகள் தற்போது அமெரிக்காவில்தான் உள்ளனர். அங்கு செல்லும் வழியில்

அவர்களை பார்ப்பதற்கும் வாய்ப்பிருக்கிறது.

ஆகா என் ஆசை நிறைவேறுமா?


-சரவணபவா 9-6-2013

                                                                    

C4. அதிசயம் - இங்கு மனிதம் செத்துவிட்டது.

அதிசயம் 


இந்த கோடை விடுமுறையில் மதுரையிலுள்ள அதிசயம் பார்க்க சென்னையிலிருந்து எனது பேரன்கள் கணேஷ், பாலாஜி இருவரும் வந்திருந்தனர். அதிசயம் பற்றி ஏன் நண்பர் ஒருவரிடம் விசாரித்ததில்  தெரிந்தது:
1. நுழைவு டிக்கெட் பெரியவர்களுக்கு 500 ரூபாய், சிறியவர்களுக்கு 300 ரூபாய்.

2. வெளியிலுருந்து உணவுபொருட்கள் எடுத்துசெல்ல அனுமதி இல்லை.

3.உள்ளிருக்கும் உணவுவிடுதியில் தரமான உணவு கிடைக்காது. குறிப்பாக     அங்குள்ள சில்லிபரோட்டவை கண்டிப்பாக தவிர்க்கவும். தயிர்சாதம் மட்டும் சாப்பிடவும்.

4. தண்ணீரில் விளையாடுவதை தவிர்க்கவும். தண்ணீரில் கிரிஸ் கலந்திருக்கும். தண்ணீர் அடிக்கடி மாற்றுவதில்லை.

5. வீட்டிற்கு வந்தவுடன் சுடுநீரில் குளிக்கவும்.

விவரம் அறிந்து, 2013-06-01 திங்கள் காலை 10.30 மணிக்கு அதிசயம் சென்றோம். தண்ணீரில் இறங்காமல் குழந்தைகளுக்கான விளையாட்டுக்களில் ஈடுபட்டோம். மதியம் 2 மணிக்கு அங்குள்ள உணவுவிடுதியில் சென்று விசாரித்தபோது அங்கு பிரியாணி, முட்டை, சில்லிபரோட்டா மட்டுமே இருந்தது. தயிர்சாதம் இல்லை.நீண்ட வேண்டுதலுக்கு பிறகு 30 நிமிடம் காத்திருந்தபின்பு புளிப்பான தயிர்சாதம் கிடைத்தது. உணவை முடித்துக்கொண்டு மீண்டும் குழந்தைகளுடன்  மாலை 5.30 மணிவரை விளையாடினோம். கடைசியாக ஒரு ராட்டினத்தில் குழந்தைகள்,என்மனைவி,சகோதரி ஆகியோரை ஏற்றிவிட்டு நான் வெளியிலுள்ள பெஞ்சில் ஓய்வு எடுத்துகொண்டிருந்தேன் 

ராட்டினத்தில் அவர்களுக்கு எதிர்புறம் அமர்ந்திருந்த நால்வரில் ஒருவர் சில்லிபரோட்டாவாக வாந்தியெடுத்து அசிங்கபடுத்திவிட்டார்.

அதற்க்கு அவர் வருத்தம் கூட தெரிவிக்கவில்லை.

இங்கு மனிதம் செத்துவிட்டது.