B5. ரயில்வே ஊழியரின் மனிதாபிமானம்.

2013-05-30 காலை 9.30 மணியளவில் மதுரை சந்திப்பில் திருச்சி-நெல்லை Inter State Ex ரயிலுக்காக காத்திருந்தேன்- எனது பேரன்கள் கணேஷ் மற்றும் பாலாஜியை அழைத்து செல்வதற்காக.

காத்திருந்த ரயிலுக்கு பதில் அந்த நேரத்தில் வந்தது தாதர்-நெல்லை எக்ஸ்பிரஸ் ரயில்.

15 நிமிடங்களுக்கும் மேலாக காத்திருந்த அந்த ரயில் மெதுவாக புறப்பட்டது நெல்லையை நோக்கி.

ரயில் புறப்பட்டவுடன் அதனை தொடர்ந்து ஓடிவந்துகொண்டிருந்தனர் - நடுத்தர வயதுள்ள ஒரு ஆண் , பெண் மற்றும் ஒரு குழந்தையுடன்.

ஓடும் ரயிலில் ஏறவேண்டாம் என்று நாங்கள் கூறியும் தொடர்ந்து முயிற்சித்தனர்.

பின்விளைவை அறிந்த அந்த ரயிலின் நடுத்துனர் (Guard) உடனே சிவப்பு கோடி காண்பித்து வயர்லஸ் மூலமும் ரயில் ஓட்டுனருக்கு ரயிலை நிறுத்த சமிக்கை செய்து நிறுத்தினார்.ஓடிவந்த அந்த 3பேர் ரயிலில் ஏறியதும் ரயிலை ஓட்ட சமிக்கை செய்தார் நடத்துனர்.நீண்ட வாக்குவாதத்திற்கு பின் ரயிலை இயக்கினார் ஓட்டுனர்.மனிதாபிமானமிக்க அந்த ரயில் நடத்துனருக்கு நான் மட்டுமின்றி அங்கிருந்த அனைவரும் நன்றி சொன்னோம்.

மனிதம் சாகவில்லை.   

C3. ஊட்டி காவல் துறையினர் ஒழுங்கீனம்-வருத்தமாக உளளது !

இந்த ஆண்டு மதுரையில் வெயில் தாங்கமுடியாத அளவு  உள்ளது. எனது மகனும் மகளும்  அமெரிக்காவில் குடும்பத்துடன்  தங்கியுள்ளனர். அங்கிருந்தே ஊட்டி Zest Resort இல்  தங்குவதற்கு எனக்கும் என் மனைவிக்கும்  டிக்கெட்  பதிவு செய்திருந்தான்  என் மகன் அருண் .

திட்டமிட்டபடி santro காரில்  பெட்ரோல்  நிரப்பிக்கொண்டு  2013-05-08 காலை  6.15 மணிக்கு  நாங்கள்  முல்லைநகர் , மதுரை  வீட்டிலிருந்து  புறப்பட்டு  திண்டுக்கல் , தாராபுரம் , பல்லடம், காரனம்பேட்டை , அன்னூர், மேட்டுபாளையம், ஊட்டி RTO toll வரை  287 Km தூரத்தை கடந்து   12.10 மணிக்கு  வந்து சேர்ந்தோம்.

ஊட்டி RTO toll பிரிவிலிருந்து  29 Km தூரத்தில் உள்ள  மசினகுடியில்  உள்ள  Zest Resort இல்  மதியம்  1.10 மணிக்கு  நேர்வழியில் சென்று  தங்கி  உணவு  அருந்திட  திட்டமிட்டிருந்தோம். ஊட்டி RTO tollபிரிவில் பணியில் இருந்த காவலர்கள்  எங்களை தடுத்து  நேர்வழியில்  செல்ல அனுமதி மறுத்து  பைகாரா, நடுவட்டம், கூடலூர், தெப்பக்காடு  வழியாக  மசினகுடிக்கு  94 Km தூரம்  திருப்பிவிட்டனர்.  மதியம்  1.10 மணிக்கு  வரவேண்டிய  நாங்கள்  மதியம் 2.35 மணிக்கு த்தான்  முதுமலை மசினகுடி ZEST Resort  வந்து சேர்ந்தோம்.

மதியம் 2.50 மணிக்குத்தான்  62 வயது சர்க்கரை நோயுள்ள  என்மனைவி  களைப்புடன்  உணவு  அருந்த முடிந்தது. தேவையற்ற  +65 Km பெட்ரோல்  +1.30   மணிநேர  காலதாமதம்  --  இவற்றையெல்லாம்  சகித்துக்கொண்டு  எங்கள் அறைக்கு சென்றோம். 

பக்கத்து அறையில்  தங்கியிருந்தவர்களை  பார்த்து  அதிர்ச்சியடைந்தேன். காரணம் ..அவர்கள்  ஊட்டி RTO toll இல் எங்களுக்குபிறகும் காத்திருந்தவர்கள்!  100 ரூபாய்  கையுட்டு கொடுத்து  10 வண்டிகள்  சுற்று பாதையை  தவிர்த்து , காலதாமததையும்  தவிர்த்துள்ளனர்.

வருத்தமாக  உள்ளது.

B6. மதுரை மாவட்ட ஆட்சியாளர் பார்வைக்கு-ஓய்வூதியம் பெரும் வயோதிகர்கள் நலன்

ஓய்வூதியம் பெரும் வயோதிகர்கள் நலன் :   சில  தினங்களுக்கு முன்பு மதுரை மாவட்ட  ஆட்சி தலைவர் அலுவலகத்திற்கு, பணி ஓய்வூதிய பதிவேட்டில் கையோப்பமிடுவதர்க்கு (ஆண்டிற்கு ஒருமுறை) 62 வயதான என்மனைவிக்கு துணையாக நானும் சென்றேன்.

காலை 9 மணிக்கு சென்ற நாங்கள் வரிசையில் நின்று 12 மணிக்குத்தான்  பதிவேட்டில் கையொப்பம் இட்டு முடித்தோம்.

60 முதல் 84 வயது முடிய உள்ளவர்களை வரிசையில் நீண்ட நேரம் நிற்பதை  தவிர்க்க கீழ்க்கண்டவாறு நடைமுறை படுதலாம் :

1. தற்போதுள்ள 3 பணியாளர்களை அனைத்து வயதினர்க்கும் பொதுவாக பதிவேட்டை பராமரிப்பதை தவிர்த்து, 65 வயதிற்குள் உள்ளவர்களுக்கு வரிசையில் உட்கார 2 பெஞ்சுடன் 1 அலுவலரும் ,  66 முதல் 75 வரை வயாதானவர்களுக்கு வரிசையில் உட்கார 4 பெஞ்சுடன் 1 அலுவலரும், 75 வயதிற்கு மேல் உள்ளவர்களுக்கு 6 பெஞ்சுடன் 1 அலுவலரும் ஆக தற்போதுள்ள 3 அலுவலரும் தனித்தனியாக வயதுவாரியாக பதிவேட்டில் கையொப்பம் வாங்கலாம்.

2. அலுவலகம் முன்பாக குடிநீர் வசதி செய்யாலாம்.

3. வங்கிகளில் பணம்பெருபவர்கள் தங்களுக்கு வழங்கப்பட்ட டோக்கன் நம்பர் அறிவிப்பு கிடைத்தவுடன் கவுண்டரில் சென்று பணம் வாங்குவது போன்று,  கருவூல பதிவேடு கவுண்டர்களிலும் டோக்கன் முறை அமல்படுத்தலாம்.

4. இதனால் கூடுதல் அலுவலர்கள் தேவைஇல்லை.

5. வயதான ஓய்வூதியர்களும் மனமார வாழ்த்துவார்கள்.          

மனமிருந்தால் மார்க்கமுண்டு. நல்லதே நடக்கும் என்று நம்புகிறேன்.

-சரவணபவா 2013-05-20